SAN JUAN, Ilocos Sur – Karaman ti Bureau of Fire Protection ditoy nga ili kadagiti ahensia a nakipartisipar iti Eskwela Brigada a naisayangkat sakbay ti panaglulukat dagiti klase ditoy.
Kinuna ni Fire Marshall Erwin Saludes a maysa kadagiti inikkanda iti naan-anay nga imatang bayat ti Eskwela Brigada ti panang-inspeksionda kadagiti nainstolar a waya, outlets ken dadduma pay a ramit kadagiti nadumaduma a pagadalan ditoy nga ili.
Kinuna ti opisial nga adda naduktalanda a sumagmamano a pagadalan a kasapulan a masukatan dagiti naikapet a barut ti koriente ken outlets ket dagitoy ti pinasukatanda kadagiti prinsipal sada tinarimaan ken inkapet.
Impatalged pay ni Saludes nga uray nalpasen ti Eskwela Brigada, agtultuloy ti panagisayangkatda iti inspeksion kadagiti pagadalan tapno malapdan ti rumsua nga uram.#