BFP nangisayangkat inspeksion kadagiti dormitorio iti Vigan City

VIGAN CITY -Nangisayangkat ti Bureau of Fire Protection (BFP) iti sabali manen nga inspeksion kadagiti establisimiento ditoy siudad tapno kitaenda no nagtungpal met laeng dagiti nagkuranganda mainaig iti fire safety code.

Kinuna ni City Fire Marshall Floro Obrero a kangrunaan nga inyussuatanda manen iti inspeksion dagiti dormitorio ken dadduma nga establisimiento a naduktalanda nga adda nagkuranganda iti fire safety code iti immuna nga panaginspeksionda.

Impalgak ni Obrero a nakurang a duapulo dagiti apartment ken dormitorio ti inikkanda iti notice to comply gapu ta adda naglabsinganda iti fire safety code.

Nupay kasta, dina innaganan dagitoy nga establisimiento. Kinunana nga adda sumagmamano a pagkurangan a naduktalanda kadagiti  ininspeksionda nga apartment ken dormitorio kas iti emergency light a saan a gumangana ken dadduma pay a minor violations.

Kinuna ti BFP chief nga inyunada nga inspeksionen dagiti boarding houses nga inikkanda iti notice to correct violations  no nagtungpal met laeng dagitoy.

Indagadagna kadagiti akinkukua kadagiti apartment ken dormitorio tapno bagaanda dagiti boardersda tapno saanda nga agusar iti Octopus electrical connection a pagisaksakanda kadagiti chargers ti laptop, selpon, plantsa, computers tapno malapdan ti uram.

“Daydiay extension wires ket temporario laeng ti pakausarannada, saan a

Kinuna pay ni Obrero a kasapulan nga adda fire extinguisher dagiti establisimiento a nakasagana nga usarenda no adda uram.

Inggunamgunam ni Obrero iti panagtungpal dagiti establisimiento iti fire safety code tapno malapdan ti uram.

No adda man establisimiento a naikkan iti notice to correct violation, dagitoy ti maiyussuatan iti priority inspection ken no adda maduktalan a  saan a nagtungpal, maipakatanda iti pannusa, kinuna ni Obrero.#