Biblioteka nanayonan kadagiti computers

STA. CATALINA, Ilocos Sur – Impakaammo ni Mayor Carlos Asuncion a manayonan iti computers ti biblioteka ti munisipio ditoy.

Kinuna ti mayor a naigannuat daytoy a proyekto para iti pannakaidur-as iti edukasion para kadagiti agbasbasa iti daytoy nga ili.

Babaen dagiti computers a naikabil iti municipal library, adda madadaan a pagsukisokan dagiti estudiante kadagiti reportda iti pagadalan.#