SINAIT, Ilocos Sur – Maipasdek ti Bigasang Bayan ditoy nga ili tapno adda paggatangan dagiti umili iti NFA rice.
Segun ken ni Mayor Marlon Ines, adu a residente ditoy ti marigatan iti kinangina ti komersial a bagas isu a nakidialogo iti DSWD ken NFA iti pannakaipasdek ti Bigasang Bayan a paggatangan dagiti umili ditoy.
Ti DSWD ken ti lokal a gobierno ditoy ti mangimaton iti Bigasang Bayan tapno masiguro a saan a mailaok ti bagas manipud NFA iti komersial rice.#
