Biktima ti paputok, immadu

VIGAN CITY – Agdagup iti innem a pulo ket innem dagiti biktima ti paputok iti napalabas a Paskua ken Baro a Tawen, segun iti Department of Health ditoy probinsia.

Ad-adu nga amang dagiti nadunor gapu iti paputok itay kalkalpas a tawen no maikumpara idi 2010 a nagdagup laeng iti 38.

Naammuan iti report a kaadduan ti bilang dagiti biktima ti paputok dagiti residente iti Vigan (25), Bantay (9), Sta. Lucia (6) ken Narvacan (5).

Adda saggaysa a biktima ti paputok iti Caoayan, Magsingal, San Juan, Tagudin, Sta. Maria, Sta. Catalina, Cabugao, Sta. Cruz, San Emilio, ken Candon City.

Kaaduan kadagiti biktima ti paputok a Piccolo nga agdagup iti 29.#