Biktima ti salvage, nasarakan iti kataltalonan

STA. LUCIA, Ilocos Sur – Maysa a bangkay ti lalaki a mapapati a biktima ti salvage ti nasarakan iti kataltalonan ti Barangay Catayagan ditoy nga ili idi bigat ti Nobiembre 28.

Iti report manipud iti polis ditoy, nasarakan iti kataltalonan ti nadakamat a barangay ti maysa a bangkay ti lalaki a nabungon iti nalabaga a blanket, 25-30 ti tawenna, kalkalaingan ti pammagina, agtayag iti 5’5”, nakaaruat iti black and gray long sleeve sweat shirt ken nalabaga a long pants.

Nagsagrap ti biktima kadagiti bagsol iti tengnged ken makannigid a takiagna.

Segun iti polis, mapapati a napapatay ti biktima iti sabali a lugar sada impalladaw iti nasao a lugar.

Agtultuloy ti panagimbestiga dagiti polis mainaig iti daytoy a pammapatay.#