Biktima ti uram, tinulongan ti MSWD

MAGSINGAL, Ilocos Sur – Nangted iti pinansial a tulong ti Municipal Social Welfare and Development ditoy nga ili iti biktima ti uram itay nabiit.

Kinuna ni MSWD officer Tiri, nangted ti opisinana iti P2,000.00 a pinansial a tulong ken ni June Pasion y Tugade, 22, naasawaan ken residente iti Sitio Lussoc, Barangay Manzante ditoy nga ili a nauram ti nagtaginipa a balayna idi Abril 9.

Mapapati a faulty wiring ti nakagapu iti pannakauram ti balay ni Pasion ket awan a pulos ti naisalba daytoy a sanikuana.

Kinuna ni Tiri a nairekomenda pay iti DSWD national office iti panangitedna met iti tulong a pinansial ken ni Pasion.#