Bingay ti Vigan City iti RA 7171, nailatang

VIGAN CITY – Inaprobaran ti konseho ditoy ti Appropriation Ordinance No. 12-03 a nakailatangan ti pondo manipud iti bingay daytoy a siudad iti RA 7171.

Agdagup iti P8,325,985.00 ti bingay ti siudad manipud iti RA 7171.

Naammuan manipud ken ni Mayor Eva Marie S. Medina a 50% iti nasao a pondo wenno P4,162,922.00 ti nailatang para iti inprastruktura, 25% wenno P2,081,496.25 ti para iti livelihood programs, ken 25% wenno P2,081,496.25 ti para iti kooperatiba.

Nupay saan nga agmulmula iti tabako ti sumagmamano nga ili ti Ilocos Sur ken ti Siudad ti Vigan, adda latta bingayda iti tobacco excise tax kas intuding ti RA 7171.#