BANAYOYO, Ilocos Sur – Naigiddan ti pannakainagurar ti  rangtay a mamagkamang ti Candon City ken daytoy nga ili iti panagpiesta daytoy nga ili ken iti panagkasangay ni Mayor Severino Galanga.

Kangrunaan a sangaili iti inagurasion ti Binnuyog bridge nga agatiddog iti 70 meters da Gov. Ryan Singson, Candon City Administrator Grace Singson ken Bokal Jaime Singson.

Iti panaglukat ti nasao a rangtay, saanton a problema ti panagdaliasat dagiti agindeg iti Barangay Lintic, Banayoyo a lumasat iti Barangay Tablac iti ipapanda iti Candon City.

Tallo a tawen a naipatakder ti nasao a rangtay a nagbuligan a pinunduan ti Department of Agrarian Reform ken ti bingay ti probinsia ken distrito iti RA 7171.#