Bintana, pinettak ti naiwawa a bala

VIGAN CITY – Nabtak ti sliding window ti maysa a balay iti Barangay San Julian Norte ditoy siudad gapu iti mapapati a naiwawa a bala sumagmamano nga oras sakbay ti isasangbay ti Paskua.

Inreport ni Hadji Fontejon y Dacanay, 34, baro, ken residente iti nadakamat a barangay, iti polisĀ  a napuntaan iti stray bullet ti sliding window ti maikadua a kadsaaran ti balayda idi agarup 9:45 ti Disiembre 25.

Iti panagimbestiga dagiti polis, madama ti panaginternet da Menchie Fontejon y Dacanay, 37, naasawaan, ken ti kaanakanna a nainaganan Kharele Carig y Fontejon, 14, balasitang, idi makangegda iti nabtak ket idi sukimatenda, nakitada a nabuongen ti tawada.

Nakarekobreda iti maysa nga slug a mapapati a naggapu iti cal .45.

Naipan ti buli iti police station tapno maisubmite a maamiris iti crime laboratory ti provincial police office.#