Footer

Binuntuon a basura, nadalusan

CAOAYAN, Ilocos Sur – Mismon a dagiti bumarangay ti nagtignay a nagdalus iti binuntuon a basura iti paset a saklaw ti dua a barangay ditoy.

Sumagmamano nga agdaldaliasat iti daytoy a lugar ti nagreklamo gapu iti angot nga agalingasaw manipud iti basura iti paset ti Barangay Anonang Mayor ken Anonang Menor ditoy.

Amken pay dagiti dadduma a bumarangay ti panagraira ti sakit a patauden ti nasao a basura ken iti pannakaiyanodda iti karayan a posible a pakaapektaran dagiti lames ditoy.

Kinuna dagiti opisial iti dua a barangay a taga-sabali a lugar ti agibasbasura iti nasao a disso.#