SANTIAGO, Ilocos Sur – Maysa a bodega dagiti produkto sadiay Barangay Imus ditoy nga ili ti naireport a nauram idi agarup 1:05 ti parbangon ti Disiembre 7.

Nagresponde dagiti bumbero manipud iti Candon City, Sta. Maria, Sta. Lucia ken Sta. Cruz ket nagtitinnulongda a nangdepdep iti bodega ti Bennas Enterprises a kukua ni Nena So y Tan, 70, negosiante ken agnaed iti nadakamat a barangay.

Nadepdep ti apuy dua oraskalpasanna ken awan ti naireport a nadunor iti nasao nga uram.

Segun iti inisial nga inbestigasion, nangrugi ti uram iti paset ti paktoria a pagprituan ken nakauraman dagiti produkto daytoy a pancit canton, wheat flour ken cooking oil.

Saan pay nga ammo ti pateg dagiti nadadael iti uram.#