Bomb threat, false alarm

STA. LUCIA, Ilocos Sur – Palso ti ballaag nga adda naimula a bomba iti maysa a kuarto iti pagadalan katoliko ditoy nga ili idi agsapa ti Hulio 26.

Iti report manipud iti polis ditoy, idi agarup 6:35 ti agsapa iti nadakamat a petsa, nakaawat ti police station iti mensahe manipud iti CP number +639279437482 a nagkuna: “sir/mam gud morning adda information qu na adda kanu naglagay ti improvice nga bomba ijay catholic school ti sta lucia itti maysa room nila, confirm dajay sir/mam ta gayem qu ti nagibaga, c kau ah nu han kau mamati adda activities tatta jay school da.”

Sabali manen a ballaag ti naawat ti kapolisan idi 6:50 manipud met laeng iti nasao a texter.

Pinabakantean dagiti polis dagiti kuarto ket maysa nga oras a nagsapul ti bomb squad ngem awan ti nasarakanda a bomba.

Napagsubli met laeng dagiti estudiente kalpasan nga indeklara ti Explosive Ordinance Disposal (EOD) team manipud iti ISPPSC nga indauluan ni SPO3 Froilan Tabaldo nga awanen ti peggad manipud iti bomba.#