CAOAYAN, Ilocos Sur – Maysa a bomba ti nasarakan ti maysa a mangngalap bayat ti panagkalapna iti kabaybayan a sakup ti Barangay Fuerte ditoy nga ili idi Pebrero 19.
Iti report manipud iti polis ditoy, nasarakan ni Herman Rabena, Jr., residente iti nasao a barangay, ti bomba nga agdagsen iti 250 pounds bayat ti panagkalapna babaen ti daklis.
Tinalian ni Rabena ti bomba sana impaigid daytoy babaen ti panangpaguyodna iti motorized a bangkana.
Impan dagiti nagresponde a polis ti bomba iti police station sada impaima iti Ilocos Sur Police Provincial Office PPSC EOD para iti umisu a disposision.
Iti kallabes, adda dagiti babassit a bomba a nasarakan iti igid ti baybay ditoy met laeng a barangay.#
