Bomba, nasarakan iti turod

CANDON CITY – Maysa a bomba ti nasarakan ti mangngayo iti turod nga asideg iti beddeng ti Sta. Lucia ken daytoy siudad idi malem ti Hulio 28.

Segun iti report, nasarakan ti di nagpabigbig a mangngayo ti MK II fragmentation grenade bayat ti panagurnongna iti pagtungo iti turod iti labes ti Barangay Palacapac, ditoy siudad idi agarup 1:00 ti malem.

Inreport ti mangngayo ti nakitana ken ni Palacapac Barangay Chairman Agustin Mangornong, Jr. ket timmawag ti kapitan iti police station.

Kinustodia dagiti nagresponde a polis ti eksplosibo kalpasan ti panangipakatda iti safety procedure, sakbay nga impaimada iti Explosive Ordnance Disposal team.#