Bonus ti Baguio City employees maited iti Marso, Mayo

BAGUIO CITY – Awaten dagiti empleado ditoy siudad ti kagudua ti bonusda ita a bulan ken inton Mayo, daytoy ti impakaammo ni Mayor Mauricio Domogan itay nabiit.

Kinuna ni Domogan a maited ti umuna a tranche ti bonus dagiti city employees ita a Marso agsipud ta kasapulan dagiti nagannak ti busbosenda iti panagturpos dagiti annakda.

Maited met ti maikadua a tranche ti bonus inton Mayo agsipud ta panag-enrol dagiti ubbing iti pagadalan.

Kinuna ni Domogan a sinertipikaran ti komite ti finance ti siudad ti kaadda ti pundo para iti bonus dagiti empleado.#