Breastfeeding, itandudo ti gobierno probinsial ti Ilocos Sur

VIGAN CITY – Maitandudo ti panagpasuso dagiti ina iti anakda, daytoy ti kangrunaan a panggep ti ordinansa a pinutar ni Bokal Anicka Nicolai Zaragoza, chairman ti committee on women and family affairs.

Segun ken ni Zaragoza, ti Provincial Health Office ti naituding a lead agency iti implementasion ti breastfeeding program ti probinsia.

Karaman ditoy ti pannakamonitor ti pannakaipakat ti programa ti breastfeeding kadagiti nadumaduma a district hospitals iti probinsia, kasta met iti pannakaiwayat dagiti information dissemination kadagiti inna babaen ti pannakikammayet dagiti barangay health workers.

Kinuna ti bokal a napateg daytoy a programa agsipud ta dakkel ti pang-ekonomia a pakabenepisiaran dagiti inna ta saandan a gumatang pay iti botelia a pagsusuan dagiti anakda ken dadduma pay a paggastuanda no agpasusoda.

Adda naituding a multa dagiti district hospitals a saan a mangsurot iti nasao nga ordinansa: iti first offense, agmultada iti P500.00; maikadua nga offense, P1,000.00; ken maikatlo nga offense, P1,500.00.#