Briefing mainaig iti corporal punishment, naangay

VIGAN CITY – Duapulo a kameng ti media manipud iti naduma-duma nga outlet ti timmabuno iti briefing mainaig iti Anti-Corporal Punishment and Positive Discipline a naisayangkat idiay Grandpa’s Inn idi Nobiembre 9.

Inlawlawag ni Congressman Teddy Baguilat iti Ifugao dagiti probiso ti Reproductive Health Bill.

Naisayangkat ti nasao a briefing babaen ti Philippine Legislative Committee on Population and Development Foundation, Inc, National Union of Journalist of the Philippines (NUJP) ken dadduma pay a grupo.

Nailektiur kadagiti kameng ti print ken broadcast media a pakairamanan ti cable tv manipud iti Ilocos Sur, Ilocos Norte ken Abra dagiti nasken nga impormasion mainaig iti anti-corporal punishment ken promosion ti positive discipline, panagngato ti bilang dagiti biktima ti HIV-AIDS, Reproductive Health Bill ken ti media reporting on children. (Danny Antalan)