Brown-out naitantan

VIGAN CITY – Naisanud ti panagawan ti koriente iti umuna a distrito ti probinsia tapno saan a maapektaran ti panagpiesta daytoy a siudad.

Naiskediul iti Abril 29 ti panagawan ti koriente ngem insanud ti National Grid Corporation of the Philippines iti Mayo 7 kalpasan a kiniddaw ni Mayor Eva Marie S. Medina ti pannakaisanudna tapno saan a maapektaran ti panagsagana ti siudad para iti Viva Vigan Festival of the Arts.

Maipakat ti agmalmalem a brown-out ta adda trabahuen ti NGCP iti MV stationna iti San Esteban ken iti Bantay, Ilocos Sur.#