Bubong ti balay, intayab ti alipugpog

CANDON CITY – Maysa nga alipugpog ti dimmalapus iti Barangay Allangigan 2nd, ditoy siudad idi Pebrero 1 ket intayabna ti bubongan ti maysa a balay.

Segun ken ni Brenda Galaites, dinalapus ti alipugpog ti balayna ket intayabna ti bubong daytoy.

Mapapati a nagintek ti alipugpog iti nadakamat a barangay ngem ti laeng balay ni Galaites ti dinalapusna.

Kinuna ni Barangay Captain Danny Galleso a daytoy ti immuna a gundaway a dinalapus ti alipugpog ti barangayda.

Adda damag a dimmalan ti nasao nga alipugpog iti sabali pay a barangay ngem saan a kumpirmado ti kinapudnona.#