Building permit signages, maymaysan ti kitana

VIGAN CITY – Maymaysanton ti building permit signages dagiti maipatakder a balay ditoy siudad, kas intuding ti maysa nga ordinansa.

Kinuna ni Konsehal Juan Carlo Medina a gimmatang ti city government iti tarpaulin printer nga inaramatna a pagprinta kadagiti tarpaulin para iti kampania ti Vigan City iti New7Wonders Cities of the World ket daytoy ti aramatenna a pagprinta kadagiti building permit signages tapno maymaysa ti buyada.

Kinuna ni Medina a nalaklakanton a matiliw dagiti agipatakder iti pasdek wenno balayda a saan a naglasat iti umisu a proseso.

Kapaliiwan ti konsehal nga iti napalabas, adda dagiti building permit signages a naisurat laeng iti karton ken narigat pay a mabasa gapu iti kabassitda.#