Bulk-buying Center ti sag-ot, naipasdek

CAOAYAN, Ilocos Sur- Inikkan ti gobierno probinsial ti kooperatiba dagiti agab-abel ditoy iti pondo a paggatang iti sag-ot nga aramatenda iti panagabelda.

Ti kooperatiba dagiti agab-abel ditoy ti pakaitedan ti pondo a P500,000 tapno daytoy ti aggatang kadagiti binulto a sag-ot a kasapulan dagiti agab-abel ditoy nga ili.

Naipasdek ti Bulk-buying Center ditoy nga ili a tarawidwidan ti kooperatiba tapno daytoy ti paggatangan dagiti agab-abel iti sag-ot iti nalaklaka a presio.#