Bulos nga aso matiliw, akinkukua, mamulta

SAN JUAN, Ilocos Sur – Deadline dagiti agindeg ditoy nga agigalut kadagiti asoda inton Hulio 31.

Kalpasan daytoy, kinuna dagiti agtuturay ditoy nga ili nga agmultanton ti asinoman a manglabsing iti ordinansa.

Naipasa daytoy nga ordinansa tapno malapdan ti panagraira iti rabies a kangrunaan a pagtaudanna no makagat iti aso aglalo dagiti walang ken saan a nabakunaan nga aso.

Sagudayen pay ti ordinansa a ti akin-aso ti mangibaklay iti amin a mabusbos iti panagpaagas ti kagaten ti asona.

Segun iti maysa nga opisial, aanen a mapatuloy ti pannakapaltog dagiti bulos nga aso agsipud ta panaglabsing daytoy iti Republic Act No. 8485 wenno β€œThe Animal Welfare Act of 1998”.#