SAN ILDEFONSO, Ilocos Sur – Mapapati a nginerngeran ti maysa a bulos nga aso daytoy suspek a puon ti nakaiskopetaan ken nakatayanna.
Napasamak daytoy idi sardam ti Mayo 14 sadiay Barangay Bahet ditoy nga ili ket nabigbig ti pimmaltog iti aso a ni Alex Bersamina y Pastor, 18, baro, lumugar met laeng iti nadakamat a barangay.
Maysa met laeng a lumugar, ni Philadelphia Rafin y Pastor, ti nangireport iti polis iti insidente.
Segun ken ni Rafin, idi agarup 4:30 ti malem ti Mayo 14, limmabas ni Alex iti balay ti nagpulong idi pinaltogan daytoy ti bulos nga asona iti namitlo a beses babaen ti air gun a puon ti nakatayan daytoy.
Ngem mapapati a nginerngeran ti aso ti suspek a puon ti panang-eskopeta daytoy iti animal.
Kas maibatay iti Animal Welfare Act, panagsalungasing iti linteg ti panangdangran kadagiti animal a pakaibilangan iti aso.#