TAGUDIN, Ilocos Sur – Nairaman a napuoran ti maysa a lalaki idi nauram ti balayna idi parbangon ti Oktubre 28.
Nainaganan ti biktima a ni Alfredo Supnet a mapapati a nakubong iti uneg ti balayna idi mauram daytoy.
Dagus a nagresponde dagiti polis idi nakaawatda iti tawag iti selpon manipud ken ni Jovito Somera, Administrative Aide II ti Tagudin municipal government idi agarup alas 12:35 ti parbangon ti nadakamat a petsa ngem nakaron ti uram ket saanen a naisalba ti balay a naaramid iti kawayan ken naggatep iti sim.
Idi nasebseban ti apuy, naduktalan laengen dagiti bumbero a nairaman a napuoran ni Supnet iti uneg ti balayna.#