: Buntis Day, naangay | Tawid News Magazine - Weekly Ilocos News đź“°

Buntis Day, naangay

VIGAN CITY – Libre a konsultasion, pop smear ken panagdengngeg mainaig iti kinababai ken panagsikogti nagbalin a tampok nga aktibidad iti pannakapaliiw ti Buntis Day a naangay iti Baluarte idi Marso 10.

Naisayangkat dagiti aktibidad iti daytoy nga aldaw dagiti masikog babaen ti panagkikinnamayet  ti Philippine Obstetrical and Gynecological Society Foundation, Ilocos Sur Medical Society ken ti gobierno probinsial.

Naipaganetget kadagiti inna ken dandanin agbalin nga inna dagiti rumbeng a maaramid bayat ti kaadda ti ubing iti uneg ti tianda tapno malapdan ti komplikasion iti panaganak a mangitunda iti pannakatay saan la a ti kayyanak no di pay iti ina no dadduma.

Naigunamgunam pay a kasapulan nga iti ospital wenno health facitilies ti paganakanda tapno maited ti naan-anay nga atension kadakuada nga agina.#