Footer

Bus, dinungpar ti traysikel, 1 natay

NARVACAN, Ilocos Sur – Natay ti pasahero idinto a nasugsugatan ti drayber ti traysikel ken ti back rider, iti aksidente a napasamak iti Barangay San Antonio ditoy nga ili idi rabii ti Disiembre 20.

Nainaganan ti natay a ni Romeo Peralta y Cacabelos, 61, bayog, drayber ti Honda TMX tricycle, residente iti Barangay Turod ditoy nga ili idinto a nasugatan da Carlo Magno Val Tierra y Peralta, 25, baro, drayber iti Honda TMX tricycle, residente iti Barangay Turod ken ti back rider a ni Randy Cabreros y Roque, 27, baro, residente iti Barangay Paratong ditoy met laeng nga ili.

Iti panagimbestiga dagiti polis, nakasardeng ti Partas bus a minaneho ni Delfin Dullaga y Abubo, 41, naasawaan, residente iti Palugsi, Limmansangan, Bauang, La Union ta nadadaelan idi dungparen ti traysikel a minaneho ni Tierra a nakaigapuan ti pannakaisina ti sidecar ti lugan ken nakatayan ti pasahero a ni Peralta.#