Bus, motorsiklo nagdinnungpar, 2 natay

TAGUDIN, Ilocos Sur – Dua a lalaki ti natay gapu iti pannakidinnungpar ti luganda iti maysa a bus sadiay Barangay Libtong, ditoy nga ili idi Enero 24.

Naireport a natay da Marlon Lorenzana, 23, ken ni Loeniza Lorenzana, 17, agpada a residente iti Barangay Alilem Daya, Alilem, Ilocos Sur gapu iti panagdinnungpar ti motorsiklo a naglugananda ken ti Partas Bus iti kalsada nasional a sakup ti nadakamat a barangay.

Segun iti report, agpaamianan ti Partas a minaneho ni Cresencio Duque, 49, residente iti Bucay, Abra, idi mapapati a kellaat a bimmallasiw iti kalsada ti motorsiklo a minaneho ni Leoniza a naggapu iti abaga ti kalsada ket nupay nagbusina ni Duque, nagdinnungpar dagiti dua a lugan.

Naipuruak dagiti biktima a puon ti nakadundunoranda.

Naitarayda iti Tagudin General Hospital ngem naideklara ti doktor nga awanen ti biagda idi maidanonda iti nasao nga ospital.

Mapapati a naggapu dagiti biktima iti inuman sakbay ti aksidente.

Madama ti panagimbestiga dagiti polis mainaig iti nasao nga aksidente.#