Bus nabansag

SAN ESTEBAN, Ilocos Sur – Maysa a bus ti binansag ti di nabigbig a tattao bayat ti panagdaliasatna iti Barangay San Nicolas ditoy nga ili.

Segun iti report, agdaldaliasat ti Florida Trans, addaan body number F-42 ken plaka AVC-246 a minaneho ni Gregorio Runger, 46, residente iti #17 Tabug, Batac, Ilocos Norte idi binansag ti di pay am-ammo a tao a naglinged iti daya a paset ti kalsada.

Nadadael ti sarming a tawa ti nasao a lugan.

Iti kallabes, adda dagiti kastoy nga insidente ti panagbansag kadagiti lugan iti daytoy nga ili ken iti Santiago, Ilocos Sur.#