Footer

Bus, nabato

SANTA, Ilocos Sur – Sabali manen a bus ti nabato iti national highway ditoy nga ili idi rabii ti Nobiembre 18.
Nagpulong iti polis ti drayber ti Partas Bus a ni Resty Baling-oay y Bag-ayan, 43, naasawaan, residente iti Brgy. Subusob, Sallapadan, Abra, a binato dagiti di nabigbig a tattao ti luganna bayat ti panagdaliasat daytoy iti national highway a sakup ti Barangay Basug ditoy nga ili idi agarup 10:30 ti rabii ti nadakamat a petsa.
Kinuna ti drayber a dagiti nakasabatda a nakalugan iti Honda XRM ti suspetsada a nangbato iti bus a nakabuongan ti makannigid a side mirror ti bus.
Nagsawar dagiti nagresponde a polis ngem dida nasapulan dagiti suspek. (Tawid News)