Footer

Bus, traysikel nagdinnungpar, 1 natay

TAGUDIN, Ilocos Sur – Maysa ti natay iti panagdinnungpar ti maysa a bus ken traysikel iti national highway a sakup ti Barangay Bimmanga ditoy nga ili idi rabii ti Oktubre 26.

Naideklara a natayen idi maidanon iti Tagudin General Hospital and Capilliariasis Center ni Francis Corpuz y Merlin, 24, residente iti Barangay Turod, Sudipen, La Union.

Iti inisial nga inbestigasion ti polis ditoy, agdaldaliasat nga agpaabagatan ti Maria de Leon a minaneho ni Edwin Duldulao y Palencia, 44, residente iti Barangay Nagsurot, Burgos, Ilocos Norte idi makasabatna ti traysikel a minaneho ni Corpuz a kimmaut iti linia ti bus a puon ti panagdinnungparda.

Mapapati a dinarusdos ti bus ti traysikel agraman ti biktima iti 25 a metro a puon ti nakatayanna.#