LIDLIDDA, Ilocos Sur – Rinambakan daytoy nga ili ti Buyag Festival sadiay Parke Paraesus Berde idi Enero 7.
Indauluan ni Mayor Constante Segundo, Jr. ken dagiti municipal ken barangay officials ti pannakarambak daytoy a festival a kangrunaan a panggepna ti pannakataginayon ti kultura ditoy nga ili.
Kangrunaan a bisita da sigud a House Deputy Speaker Eric Singson, 1st District Congressman Ryan Singson, ken dagiti agdama a bokal iti maikadua a distrito ti Ilocos Sur.
Karaman kadagiti aktibidad iti daytoy nga aldaw ti pannakaisayangkat ti trade fair and exhibit ken pannakaipabuya dagiti nadumaduma a sala ti tribu a nagpartisiparan dagiti pagadalan iti elementaria ken sekundaria.
Naigiddan iti daytoy nga aldaw ti pannakainagurar ti pasdek nga inawagan dagiti opisial iti World Convention Center.#