CABUGAO, Ilocos Sur – Rambakan daytoy nga ili ti panagpiesta ni San Marcos a patronna babaen ti 9th Rambak Intayon Cabugao manipud Abril 20 agingga iti Abril 25.
Sakbayna, nairugin ti aglinawas a Cabugao’s Best Talent ken ti Sports Summer Fest nga agpaut iti dua a bulan.
Maangay met ti mass wedding inton Abril 15 a pangawatan ti nasurok 50 nga agdendennan iti matrimonio ti kasar.
Dagiti sumaganad dagiti aktibidad:
Abril 20 – Social Services Day; Abril 21 – Mutya ng Cabugao; Abril 22 – Grand finals ti Cabugao’s Best Talent; Abril 23 – DepEd Day; Abril 24 – Parade/Streetdancing; Abril 25 – Coronation Night.#