CAFGU detachment, naraut

GALIMUYOD, Ilocos Sur – Rinaut dagiti armado a tattao a mapapati a local communist terrorists (LCT) ti maysa a detachment ti CAFGU iti Barangay Bitong ditoy nga ili idi rabii ti Oktubre 9.

Segun iti report, idi aganay 9:40 ti nadakamat a rabii, rinaut ti di pay ammo ti bilangda nga armado a tattao a mapapati a kameng ti New Peoples’ Army ti detachment ngem nakipinnaltog dagiti nagbantay a CAFGU ket nagsanud dagiti rimmaut idi dimteng dagiti immarayat a soldado ti Philippine Army.

Awan ti naireport a nasugatan iti nasao a ranget.#