Campus journalism seminar, naangay

VIGAN CITY – Inangay ti Division Office ditoy siudad ti seminar/workshop on campus journalism itay nabiit.

Narugian itay Oktubre 15, nagpaut ti seminar/workshop mainaig iti campus journalism iti tallo nga aldaw.

Nakipartisipar ditoy dagiti nadumaduma a pagadalan iti Siudad ti Vigan kas panagsaganada iti masungad a panagtataripnong dagiti young journalists.

Naisuro bayat ti nasao a seminar/workshop no kasano ti panangpasayaatda kadagiti obrada iti news writing, editorial writing, essay/feature writing, headline editing, photo editing ken dadduma pay.

Karaman iti nasao a paseminar ti radio broadcasting ken script writing.

Uray iti elementaria, addan dagiti iruruarda a newsletter no sadino a pakabasaan kadagiti nadumaduma nga aktibidad iti pagadalan a sinurat dagiti napili a kameng.#