Candon City, most business friendly city

CANDON CITY – Napadayawan ti Candon City a 2010 Most Business Friendly LGU iti pagilian iti seremonia a naangay iti Manila Hotel idi Oktubre 13, 2010.

Pinili ti Philippine Chamber of Commerce and Industry daytoy a siudad kas most business friendly LGU iti city category, level 2.

Indauluan ni Mayor Allen Singson ti grupo a nangawat iti pammadayaw idiay Manila Hotel a mismo a ni Presidente Noynoy Aquino ti kangrunaan a bisita.

Iti interbio kenkuana ti DZTP, kinuna ni Singson a dakkel a tulong daytoy tapno ad-adda pay a rumang-ay ti siudad ti Candon.#