Footer

Capability building program dagiti kapitan, mairugi

VIGAN CITY – Maiyussuat inton umay a tawen ti Barangay Comprehensive Advancement Program and Transformation (BCAPT), maysa a capability program a manggandat a mangpapintas iti kalidad ti serbisio dagiti mangidaulo iti barangay iti lugarda.

Segun ken ni Gov. Deogracias Savellano, babaen ti nasao a programa, pumigsa, sumayaat ken agbalin dagiti barangay officials a responsible a service providers ken agbalin nga epektibo a local a mangimaton iti panangituray.

Mairugi ti BCAPT inton Enero 2010, magudua iti 10 batches nga addaan iti 50 a partisipante kada klase, ken agpaut iti lima nga aldaw ti crash course para iti epektibo a panangituray iti barangay.#