Career Service Examination, Paper-and-Pencil Test para professional ken sub-professional

VIGAN CITY – Maysa ti Vigan City kadagiti pakaangayan ti Career Service Examination, Paper-and-Pencil Test para professional ken sub-professional a maangay inton Mayo 3, 2015.

Iti Region 1, malaksid ti Vigan City, maangay pay ti nasao nga eksamen iti San Fernando City, La Union, Dagupan City, Laoag City ken Urdaneta City.

Nangrugi ti panagipila iti aplikasion idi Nobiembre 17 ken agpatingga inton Marso 12, 2015.

Kasapulan nga agtawen ti aplikante iti saan a nakurkurang ngem 18 a tawen, saan a nakonbiktar babaen iti final judgment iti panaglabsing wenno krimen pakainaigan iti moral turpitude, saan a dishonorably discharged iti military service wenno nadismis iti aniaman a gapu manipud iti sibilian a puesto iti gobierno, ken saan a nageksamen iti pumada a level ti career service examination, uray ania a modo, iti las-ud ti tallo a bulan manipud iti naudi a panageksamenna.#