Caretaker napilaan iti kaso a murder

VIGAN CITY – Napilaan iti kaso idi Abril 30 iti City Prosecutor’s Office ni Aldrin Cacatian y Antolin, 23, baro, stay-in caretaker/utility ken residente iti Barangay Anolid, Alcala Pangasinan gapu iti maatap a panangpatayna ken ni Edwin Alasaas Paet, 38, naasawaan, ken residente iti Barangay Malingeb, Bantay, Ilocos Sur.

Nasarakan ni Alasaas a maysan a bangkay iti uneg ti HE room ti St. Thomas Aquinas Learning Center idi agarup 8:20 ti bigat ti Abril 30.

Nakasuan iti murder ni Cacatian ket naidocket ti kaso iti babaen ti NPS #1-14-INQ-12-E-00015 babaen ti naisayangkat nga inquest proceeding.

Adda ita iti ikut ti Vigan City police station ni Cacatian.#