Caretaker ti beach resort, nasarakan a nalmes

SAN ESTEBAN, Ilocos Sur – Nasarakan ti maysa a caretaker iti beach resort nga awanan puot iti igid ti baybay a mapapati a nalmes idi aldaw ti Hulio 28.

Segun iti report, nasarakan ni Jessica Vergara y Paderan, 25, helper, ni Arnel Ventura y Sacay, 43, caretaker ti Coral Gate Beach Resort, natibo iti Baguio City nga awanan iti puot iti igid ti baybay.

Indeklara ni Municipal Health Officer Coniflor B. Umalla a natayen ti bangkay idi ipakatanna koma iti first aid.

Mapapati a nakainom ti biktima ket nasapa a napan naglangoy iti dayta a bigat.

Saan a nailanad iti report no kasano a nakatakdang ti biktima sakbay a napukawan iti puot.#