Footer

Caretaker ti resort, napapatay

CABUGAO, Ilocos Sur – Napaltogan a puon ti nakatayanna ti maysa a caretaker iti resort bayat ti panagdaliasatna a nakasakay iti motorsiklona iti national highway a sakup ti Sitio Balaywak, Barangay Pug-os ditoy nga ili idi agsapa ti Agosto 22.

Naideklara nga awanen ti biagna idi maidanon iti Suero General Hospital ni Edwin Sablay y Naval, a.k.a. “Balweg”, 47, naasawaan, ken residente iti Barangay Pug-os, Cabugao.

Iti inisial nga inbestigasion dagiti polis, agpaamianan ni Sablay a nakamotorsiklo iti nangisit a Honda XRM  ket iti salogan ti kalsada, pinaltogan dagiti di nabigbig a suspek a nagsagrapanna kadagiti sugat iti ulo ken bagina.

Nakarekobre dagiti inbestigador iti 5 a kapsula ken maysa a buli manipud iti cal. 45 iti nakapasamakan ti krimen.

Agtultuloy ti panagimbestiga dagiti polis mainaig iti nasao a pammapatay.#