Carnapper, palsipikador, inaresto dagiti polis

CANDON CITY – Inaresto dagiti polis ti maysa nga akusado ti carnapping ken panagpalsipika iti dokumento iti nagpainganna a barangay idi sardam ti Septiembre 7.

Babaen ti bileg ti warrant of arrest nga inyisio ni Judge Policarpio P. Martinez ti First Judicial Region, Candon City, Ilocos Sur idi Agosto 22, 2016 ken pinetsaan ni Judge Maria Celestina C. Acal ti Municipal Trial Court in Cities idi Agosto 30, 2016, inaresto dagiti polis-Lidlidda ni Gavino Darao y Joaquin @ Ingaw, 42, naasawaan, mannalon ken residente iti Barangay Bequi-walin, Lidlidda.

Sumangsango ni Darao iti kaso a carnapping a nai-docket iti babaen ti Criminal Case No. 3843-C ken falsification and use of public document a nai-docket iti babaen ti Criminal Case No. 53-25 ket nairekomenda nga agpiansa iti P180,000.00 ken P12,000.00.

Naikustodia ti akusado iti Lidlidda police station para iti umisu a disposision.#