Cataract mission, naangay

VIGAN CITY – Balligi ti pannakaopera dagiti addaan iti katarata iti Gabriela Silang General Hospital itay Agosto 13, daytoy ti impakaammo ni Bokal Jerry Singson, chairman ti committee on health iti sangguniang panlalawigan.

Kinuna ni Singson a naggawid met la a dagus dagiti pasiente kalpasan ti operasion.

Kinuna ni Singson a proyekto daytoy ti gobierno probinsial ken babaen ti pannakikammayet ti Ephpheta Foundation for the Blind, Inc. ken dodoktor iti mata.

Kinuna pay ni Singson a tinawen a maisaysayangkat ti cataract mission ditoy probinsia kas paset ti Sight Saving Month a maselselebraran iti Agosto.