Cataract mission, naangay

CANDON CITY – Tallupulo ket maysa ti naoperar ti kataratada iti medical mission a naangay ditoy a siudad idi Marso 22.

Kinuna ni Bokal Jerry Singson a 106 a pasiente nga addaan katarata ti nagpaamiris sakbay ti cataract mission ngem dagiti 31 laeng ti naaprobaran a maoperar.

Inesponsoran ti gobierno probinsial, ti city government ti Candon City, maysa a foundation dagiti bulsek manipud iti Manila ken ti JCS Foundation ti nasao a cataract mission.

Impakaammo ni Singson a maangayto pay ti sabali a medical mission iti Tagudin, Ilocos Sur inton umay a bulan.#