Footer

CCTV naidagadag a maikabit vital installations

MAGSINGAL, Ilocos Sur – Indagadag ti mayor ditoy ti pannakaipasdek ti CCTV kadagiti vital installations bayat ti maysa a municipal peace and order council meeting itay nabiit.

Kinuna ni Mayor Arlene Favis a kasapulan a maikabit ti CCTV kadagiti instolasion kas iti bangko, paggasolinaan ken uray iti pasdek ti munisipio tapno mairekord dagiti pasamak ken aniaman a garaw ken transaksion kadagitoy a pasdek.

Kanaig daytoy, impakaammo ti mayora nga uray ti municipal building ditoy ket makabitan iti CCTV.

Indarirag pay ni Favis iti hepe ti polis ti agtultuloy a panangisayangkatda iti police visibility tapno malapdan ti pannakaiwayat dagiti krimen ditoy nga ili.#