SAN JUAN, Ilocos Sur – Apaman a pirmaan ti mayor ti certified seeds subsidy para kadagiti mannalon ditoy nga ili, maited a dagus daytoy a benepisio kadakuada.
Kinuna ni Konsehal Florante Ramos, chairman ti komite ti agrikultura, babaen daytoy nga iskema, maikkan dagiti mannalon iti 50% a discount iti gatangenda a hybrid palay seeds nga imulada iti masungad a panagtatalon.
Agpateg ti maysa sako a certified hybrid seeds iti P1,200 ket P600 laengen ti ibaklay ti rehistrado a mannalon, segun iti konsehal.
Maipatungpal a dagus daytoy a programa apaman nga aprobaran ni Mayor Bernard Sarmiento ti maaramat a pondo.#