BANGUED, Abra – Tapno matulongan dagiti mannalon a mangpaadu iti apitda a pagay, mangipaay ti provincial government ti Abra iti libre a certified seeds iti upland municipalities ditoy a probinsia.
Kinuna ni Abra Provincial Agriculturist Jesus Villamor, bayat ti interbio kenkuana ti DZTP Radio Tirad Pass a maiwaras ti 400 bags a certified seeds a manamnama a maimula iti 400 nga ektaria ti kataltalonan iti upland municipalities.
Karaman kadagiti upland municipalities a nabenepisiaran ti ili ti Tineg, Malibcong, Lacub, Baay-Licuan, Luba, Tubo, Sallapadan, Bucloc ken Dagioman.
“Kitkitaenmi no kasano a maikkan ti Boliney, agsipud ta awan ti municipal agriculturist ditoy nga ili,” kinuna ni Villamor.
Maibilang ti Abra a maysa kadagiti kapanglawan a probinsia iti pagilian.#
