NARVACAN, Ilocos Sur – Agdagup iti 4,000 dagiti mannalon a nawarasan iti certified seeds kas paset ti programa ti agrikultura ti gobierno lokal ditoy nga ili.
Segun ken ni Municipal Agriculturist Conrado Molina, daytoyen ti maika-13 a tawen daytoy a programa ni Mayor Edgardo Zaragoza a mangted iti libre a certified seeds kadagiti mannalon ditoy.
Malaksid ti subsidy nga ited ti national government, ibaklay ti gobierno munisipal ditoy ti 50% a subsidy ti irik a sag-10 kilo a maited tunggal mannalon.
Agdagup iti 1,200 a bags dagiti naiwaras a certified seeds.#