CEXCI, pinetisionan dagiti nainsigudan nga umili

BAGUIO CITY β€” Nagipila iti petision ti Cordillera Peoples Alliance (CPA) a mangkidkidaw iti pannakakanselar ti amin nga aplikasion para iti panagminas ti Cordillera Exploration Company, Inc. (CEXCI).

Inyawat ti grupo ti dokumento iti National Commission on Indigenous Peoples Cordillera Administrative Region (NCIP-CAR) ken iti Mines and Geosciences Bureau (MGB-CAR) idi Marso 3, iti maika-25 nga anibersario ti Republic Act 7942 wenno Philippine Mining Act of 1995.

Naglaon ti petision iti nasurok 500 a pirma manipud kadagiti lider ti nadumaduma nga organisasion ti umili kadagiti probinsia ti Kalinga, Benguet, Mountain Province, ken Ifugao.

β€œThis is just the initial submission, we are still collating the sheets from the provinces, including those from Ilocos Sur and Apayao,” kuna ni Santos Mero, CPA Vice Chairperson for Internal Affairs.

Segun kenkuana, ti petision ket resulta ti inter-province mining summit a naangay idiay Sagada, Mountain Province idi Agosto ti napan a tawen. Kidkidawen dagiti nagpirma ti pannakaibasura ti aplikasion ti kompania gapu iti madi nga epekto ti panagminas iti aglawlaw, pangkabiagan ken panaglabsing iti karbengan-tao. Inakusaranda pay ti kompania a naglabsing iti free, prior, and informed consent (FPIC) process ti Indigenous Peoples Rights Act.

Segun kenni Engineer Brent Pagteilan ti MGB-CAR Mines Tenement Evaluation Section, dua laeng iti uppat a nakapila nga aplikasion ti CEXCI ti madama nga umab-abante ti pannakaproseso na. Dagitoy ket ti Exploration Application (EXPA) No. 116 ken ti pannakapabaro ti exploration permit para iti Manmanok project idiay Apayao. Impalawag na nga ti EXPA No. 116 ket naggapu iti sigud nga Application for Financial and Technical Assistance (AFTA) No. 008 ti kompania.

β€œThis (EXPA No. 116) is a portion of AFTA 008 covering portions of Mankayan and Bakun in Benguet and Cervantes in Region 1. We already endorsed it for the FPIC process. The applicant and NCIP Region 1 agreed that Region 1 offices would process the Cervantes portion,” kinunana.

Kinuna ni Pagteilan a kasapulan pay ti CEXCI a mangala iti sertipikasion manipud NCIP a natungpal daytoy ti amin nga obligasionna a nakalanad iti Memorandum of Agreement iti nagbaetan iti kompania ken komunidad. Paset daytoy kadagiti kasapulan a dokumento tapno mapatgan ti pannakapabaro ti exploration operation ti kompania idiay Apayao.

Impalawagna a saan a pukawen ti panang-covert ti CEXCI ti paset ti AFTA No. 008 nga application for exploration ti kabuklan nga aplikasion. Kinunana a posible nga ik-ikkan laeng ti kompania ti prioridad dagiti lugar a namnamaenna a nalaklaka makaala iti pammalubos ti umili.

Kabayatanna, imbingay ni NCIP-CAR Legal Officer Atty. Atanacio Addog nga addan ti surat ti CEXCI iti opisinada tapno maituloy ti FPIC process sadiay Mankayan ngem iti panagsukimatda, naduktalanda nga awan ti iggemda a record maipanggep iti aplikasion ti kompania iti nasao a munisipio.

Segun kenkuana, kasapulan pay a kumpletoen ti kompania dagiti kasapulan a dokumento sakbayda mairugi ti panangproseso iti kiddaw daytoy a FPIC.

β€œWe are only aware of their application in Kalinga, that is ongoing, but the regional [office] suspended it because the regional office required them to comply with their obligations under their MOA with the community,” kuna ti abogado ti NCIP.

Imbingayna nga adda pay surat ti kompania kasilpo ti operasion daytoy idiay Kalinga a sinunpinde ti opisina. Basar iti surat, idawdawat ti kompania ti pannakaikkat ti suspensionda gapu ta naipatungpalda kanon amin nga obligasionda iti komunidad.

Kasta met a pinaglibakan ni Addog nga adda dagiti napasamak a panaglabasing ti FPIC. Kinunana a malaksid iti Kalinga, awan pay sabali a proyekto ti kompania a simrek kadagiti komunidad.

β€œWe have yet to validate with our field office if they have really complied with their obligations to the community. But based on my initial information from Kalinga, there was a renegotiation between CEXCI and the affected people to resolve their issues about the company’s obligations,” palawag ni Addog.

Ti CEXCI ket subsidiary ti Nickel Asia Corporation. Malaksid iti Cervantes, karaman iti aplikasion ti kompania dagiti munisipio ti Del Pilar, Quirino, Sigay ken San Emilio iti probinsia ti Ilocos Sur. ●