VIGAN CITY – Kinuna ni Vigan City Councilor Juan Carlo Medina a kayat ti Commission on Higher Education a tumulong  a mangpasayaat iti track oval ti Quirino Stadium.

Impalgak ni Medina a ponduan koma ni Sen. Bongbong Marcos ti pannakapasayaat ti track oval ti Quirino Stadium ngem natiruan ti naibulgar a PDAF scam.

Nupay kasta, segun ken ni Medina, kayat ti CHED ti tumulong iti pannakakongkreto ken  pannaka-rubberized ti track oval isu a nangaramid ti sangguniang panlungsod iti resolusion para iti panangpundo daytoy nga ahensia iti nasao a proyekto.

Kinuna ni Medina a 50 ti puntiria a proyekto ti CHED nga agbalor iti P720 milion ket uray 1% laeng iti daytoy ti maala ti Vigan City, sapsapadon para iti pannakapasayaat ti track oval.

Agdagup iti P7 milion ti maipondo iti nasao a proyekto.#